Sëmundja e Luiz Ejllit është kthyer në çështjen e të gjithëve këto dy ditët e fundit. Artisti rrëfeu brenda shtëpisë së “Big Brother Vip” se vuante nga një sëmundje e rrallë, për këtë arsye gjatë “Prime-it” të së martës ai u dërgua në spital.
Gjithçka ndodhi gjatë transmetimit “live” ku Arbana fillimisht u shpreh se artisti po dërgohej nën shoqërinë e produksionit pranë spitalit “Nënë Tereza” për të kryer ekzaminimet e nevojshme, por më pas doli që analizat po bëheshin tek “Shefqet Ndroqi”.
Gjithsesi ka një çështje më të rëndësishme se kjo. Pikërisht analizat që bëri Luizi. Këto analiza janë siguruar nga “Kryefjala.com”.
Këto që shihni në foto janë analizat dhe nëse ka ndonjë mjek që po na lexon, të na kontaktojë për të na shpjeguar diçka të saktë.
Kujtojmë që produksioni i “Big Brother Vip” të martën mbrëma bëri diçka që shumë do e ëndërronin. Nxorri rezultatet e analizave të një sëmundje të rrallë për më pak se dy orë.
Luiz Ejlli pasi rrëfeu se vuante nga një sëmundje e rrallë, produksioni i “mëshirshëm” i dha mundësinë të kryente të gjitha ekzaminimet gjatë “prime-it”. Ai u kthye në shtëpi si “gënjeshtar” me banorët të cilët i dolën krejt kundër dhe produksioni i “BBV” si gjithmonë ia doli me të tijën.
