Johnny Depp vuan nga mosfunksionimi erektil, këtë pohuan avokatët e Amber Heard në dokumentet gjyqësore të sapopambyllura.
Ekipi ligjor i aktores argumentoi në një dosje të 28 marsit, të siguruar nga Page Six, se sëmundja mjekësore mund të ketë kontribuar në sjelljen e dhunshme të ish-bashkëshortit të saj.
“Megjithëse zoti Depp nuk do ta zbulonte gjendjen e tij të mosfunksionimit erektil, një gjendje e tillë është absolutisht e rëndësishme për dhunën seksuale. Këtu përfshihet zemërimi i tij dhe përdorimi i një shisheje për të përdhunuar Amber Heard”, thuhet në dokumente.
Depp ka mohuar vazhdimisht akuzat e Heard për përdhunim dhe dhunë.
Avokatët e Heard vazhduan të pretendonin se problemi i supozuar i organit gjenetial të Depp do ta bënte “më të mundshme” që ai të ishte “i zemëruar ose i acaruar” në takimet me Amber Heard.
Në maj, Heard shpërtheu në lot gjatë gjyqit për shpifje, ndërsa dëshmoi se ylli i “Pirates of the Caribbean”, e përdhunoi atë me një shishe pije alkoolike dhe e kërcënoi se do t’i “gdhendte” fytyrën me të, gjatë një sherri në mars të 2015.
“Nuk e dija nëse shishja që kishte brenda meje ishte thyer. Nuk mund ta ndjeja. Nuk mund të ndjeja asgjë”, tha ajo
