Duke pasur parasysh se është një film tepër dinamik në dhomën e gjumit, aktorja Dakota Johnson goditi në shenjë me veshjen, në premierën e filmit “50 Shades Darker” në Los Angeles.
27-vjeçarja kishte zgjedhur një fustan elegant Valentino, me një dekolte të hapur. Vajza e dy aktorëve të njohur Melanie Griffith dhe Don Johnson vendosi të shkonte pa reçipeta, dhe bëri zgjedhjen e duhur për fustanin ngjyrë nude që kishte veshur.
Ajo u bashkua me kolegun Jamie Dornan, i cili luan rolin e Christian Grey në këtë film dhe është me origjinë irlandeze. 34-vjeçari kishte ndryshuar modelin e flokëve duke i qethur shkurt, ndërsa kishte rritur edhe mjekrën, e cila kishte ndryshuar paraqitjen e tij.
I veshur me një kostum blu Valentino, një këmishë të bardhë, kravatë me shirita dhe këpucë ngjyrë deve Christian Louboutin, Jamie dukej shumë seksi.
Pjesë e kastit të filmit është edhe këngëtarja shqiptare Rita Ora, e cila në film luan rolin e motrës së Christian. Ajo kishte veshur një fustan me dizejno lulesh dhe me bisht të gjatë.
*Shfleto galerinë
