“A ja vlen të shkosh në Shqipëri? Kështu që unë u nisa për jug nga kryeqyteti, Tirana, me bashkëshorten dhe djalin, për në vendin me arkitekturë të pakëndshme, më ngjasoi një version më pak joshës i Belgjikës. Më pas dolën malet. Qyteti i Gjirokastrës u shfaq dhe të gjitha dyshimet ikën”. Eksperienca e Thomas W. Hodgkinson të “Daily Mail” nis me një pyetje që u drejtohet që gjithë atyre që nuk e njohin Shqipërinë apo janë në dilemë të vizitojnë vendin tonë.
Ai vazhdo më tej duke dhënë detaje jo vetëm të qytetit, por edhe për Ali Pashë Tepelenën: “Pamje të bukur, njerëz simpatikë dhe çmime më të lira se kudo në Evropë. Gjirokastra ngjitet në lartësinë e malit, poshtë kështjella siç do t’i dëshironte ta shikonin të gjithë. E ndërtuar në fillim të shekullit 19, nga mizori Ali Pasha, udhëheqësi otoman i njohur për dëshirat e tij të pangopura seksuale, me një harem prej më shumë se 300 femra”.
Thomas shkruan se histori të tilla janë në kontrast me mirëpritjen që merr nga gjirokastritët. Ai dallon një tjetër detaj: ka pazare kudo. Ndërsa kishin vendosur të blinin një qilim, ai thekson çmimet e leverdishme që ishin nga 44 paundë në 87 paundë.
Ndërsa thekson edhe afërsinë me “Syrin e Kaltër”, ai kujton se pjesa më interesante e udhëtimit ishte vetë Gjirokastra. “Këshilla ime? Rezervoni një dhomë para se gjithçka të ndryshojë”.
Burimi: Daily Mail
