Dafina Zeqiri është një nga këngëtaret më të njohura shqiptare. Ajo numërom shumë hite dhe cdo sezon është e pranishme me këngët e saj. Por së fundmi ajo ishte në qendër të vëmendjes pas publikimit të disa fotove në Instagram. Ndjekësit nuk i kursyen kritikat për Dafinën duke u shprehur se e ka tepruar me ndëhyrjet dhe “fillers” në fytyrën e saj, dhe se tashmë duket shumë “fallso”. Kjo ra në syrin e këngëtares e cila nuk vonoi me përgjigjen e saj.
“Dje përdora një filtër që i bëri buzët e mia të duken shumë të mëdha. Komentet ishin të pabesueshme, të ashpra sidomos ato që vinin nga femra që më ndiqnin mua. Bullizuese! Shikoni fytyrën dhe filtrat tuaj. Kur të mbushni ju 33 vjeç dhe të mos keni bërë botoks apo filler, ejani të flisni me mua”-u shpreh ajo.
Debati ka vazhduar akoma dhe Dafina ka bërë dhe disa sqarime të tjera edhe pse ajo gjithmonë ka qenë e hapur për ndërhyrjet që ka bërë. Ajo ka treguar se ndërhyrjet e saj të para me botox e filler i ka bërë në moshën 28 vjeçare, ndërsa hundën dhe gjoksin i ka bërë më herët. Dafina ju ka kujtuar fansave se ajo është personazh publik, dhe herë pas herë i duhet të bëje ndonjë ndërhyrje për të qenë në formën e duhur.
Dafina ka përmendur rastin e Marilyn Monroe e cila ka bërë ndërhyrje por sërish konsiderohet si “natyrale”.
Por përse është publiku kaq i fiksuar me pamjen e jashtme të artistëve e sidomos atyre femra?
Tashmë trajtimet dhe ndërhyrjet estetike nuk janë një tabu dhe çdokush ka akses në to. Jo vetëm të famshëm, por edhe njerëz të thjeshtë përmirësojnë pamjen e tyre për të patur më shumë vetëbesim apo për cdo lloj arsyeje tjetër personale. Por dhe nëse ata pranojnë që kanë bërë diçka ne direkt ju vëmë epitetin “fallso”. A thua se nuk jemi të njëjtit që menjëherë bullizojmë nëse dikush ka një tipar ndryshe nga të tjerët apo ka disa kilogramë më shumë…
Duhet të normalizohet mos-komentimi për pamjen e dikujt tjetër edhe pse kjo është e vështirë në shoqërinë ku jetojmë. Por fakti që personazhe të famshëm si Dafina po reagojnë është një ogur i mirë.
