Sezoni i dytë i “Bridgerton” nuk është më shfaqja numër një televizive në Netflix. Sapo është publikuar një renditje e re e serialeve më të mira dhe tashmë në vendin e parë ndodhet sezoni i katërt i “Stranger Things”, duke lënë “Bridgerton” në vendin e dytë.
“Stranger Things” ka tërhequr shikueshmëri rekord në Netflix dhe ka marrë vlerësime mjaft pozitive.
Seriali është një thriller mbinatyror/shkencor i vendosur në qytetin imagjinar të Hawkins, Indiana.
Stranger Things është seriali perfekt për t’u parë për këdo që dëshiron nostalgjinë e viteve ’80, dhe është e mbushur me referenca përkatëse dhe një estetikë që i përshtatet periudhës kohore.
Seriali solli dhe një rekord tjetër pasi këngëtarja Kate Bush po shënon një hit të papritur me një këngë 37-vjeçare. Hiti “Running Up That Hill” i cili fillimisht arriti në vendin e tretë në 1985, është ngjitur papritmas në krye të listave të iTunes në Mbretërinë e Bashkuar dhe SHBA, pasi u shfaq në serialin e Netflix “Stranger Things”.
Netflix e solli renditjen ne bazë të orëve që u pa çdo serial në 28 ditët e para të transmetimit.
- “The Witcher” Sezoni 2
484,340,000 orë
- “Ozark” Sezoni 4
491,090,000 orë
- “13 Reasons Why” Sezoni 2
496,120,000 orë
- “Inventing Anna”
511,920,000 orë
- “The Witcher” Sezoni 1
541,010,000 orë
- “Lucifer” Sezoni 5
569,480,000 orë
- “Stranger Things” Sezoni 3
582,100,000 orë
- “Bridgerton” Sezoni 1
625,490,000 orë
- “Bridgerton” Sezoni 2
656,260,000 orë
- “Stranger Things” Sezoni 4
930,320,000 orë
