Këngëtarja seksi dhe “gangsta”, Dafina Zeqiri, ka një look të veçantë për të cilin është admiruar shpesh.
Megjithëse shohim çdo ditë kombinime të veshjeve të saj të ndryshme, sot është hera e parë që këngëtarja na hap dyert e garderobës gjigante.
Në InstaStory, Dafina ka publikuar video nga “dhoma magjike” e cila përmban gjithçka që bën të lumtur një femër. (Rrobat, çantat dhe këpucët sigurisht!)
Siç duket nga pamjet, në garderobën e këngëtares mbizotërojnë veshjet sportive, që i përshtaten më shumë tipit të saj.
Në radhët e dollapit shohim bluza të gjera të ngjyrave të ndryshme, mirëpo çfarë na zënë më shumë sytë janë atletet.
Duket se Dafina është e fiksuar pas tyre dhe numëron pafund të tilla.
Madje, edhe vetë ajo e kupton që nuk ka mjaftueshëm hapësirë për to dhe ka nevojë për një dollap tjetër këpucësh sa më shpejt.
Atletet e saj janë të ngjyrave e firmave të ndryshme dhe të renditura me rregull duken tamam si në vitrinë.
“Më duhet një dollap atletesh sa më shpejt të jetë e mundur”- shkruan Dafina krahas videos.
Në fakt, jemi dakord me të!
