Vera do jetë akoma më e zjarrtë për ne pasi një tjetër bashkëpunim i shtohet listës.
Dafina Zeqiri këtë herë bashkon forcat sërish me Alban Skënderajn.
Hiti i tyre “Copa Copa”, do të pasohet nga “E para/i pari”. Ata kanë ndarë një video në rrjetet sociale ku kanë zbuluar një pjesë nga kënga që duket se do të jetë ritmike.
Kënga do të publikohet më 13 Korrik në orën 18:00.
Nëse e kishit harruar, ju kujtojmë se ditën e djeshme Dafina ndau një foto me Ghetto Geasy ku shkroi “së shpejti” për të njoftuar projektin e tyre të përbashkët.
E ajo nuk është ndaluar me kaq. Vetëm pak ditë më parë, ajo publikoi një këngë solo, “Dasma”, një hit që po pushton rrjetet sociale e po këndohet kudo.
