Këngëtarja shqiptare Dafina Zeqiri e ka treguar se është e apasionuar pas tatuazheve dhe kur është fjala për një tatu të ri, nuk thotë dot jo!
Ajo ka tatuazhe kudo në trup, por duket se këmbën e saj po e çon në një nivel tjetër, pasi tatuazhet në këtë pjesë të trup i shton hera-herës.
Së fundmi, ajo ka publikuar një video ku shfaqet duke shtuar artin në këmbën e saj.
Mirëpo, këtë herë ka marrë edhe Dj Geek me vete, i cili duket se po bën të njëjtën gjë si Dafina, por në krahun e tij.
Geek ka gdhendur një astronaut, teksa videoja shoqërohet me mbishkrimin “DJ i hapësirës”.
Nuk e dimë nëse Geek dhe Dafina kanë ndonjë tatuazh matchy-matchy, por jemi me të vërtetë shumë kuriozë.
Dafina Zeqiri dhe Dj Geek u kthyen disa muaj më parë në çiftin më të komentuar të showbiz-it, kjo për lidhjen e papritur të dashurisë dhe ndarjen po aq të shpejtë të tyre.
Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentetit sipas Dafinës ishte të zgjidhte karrierën.
Megjithatë, duket se dyshja nuk e ka mbyllur përfundimisht dhe ende nuk po kuptojmë ç’po ndodh mes tyre.
Ata hera-herës pushtojnë mediat me komente të ndryshme në rrjetet sociale, ndërsa pjesën më të madhe të kohës janë bashkë.
Pak muaj më parë këngëtarja na i ka çuar në një nivel tjetër dyshimet me deklaratën e saj mbi dashurinë në emisionin “Në kurthin e Piter Pan”.
Autorja e hitit “A je pendu” u pyet nëse është e dashuruar, duke u përgjigjur se është ende pak e dashuruar dhe se ka një dashuri të madhe brenda saj, duke mos e përmendur emra, por s’do mend se cili ia ka vjedhur zemrën.
Jam ende pak e dashuruar se kam dashni shumë të madhe kështu që është ende këtu, brenda meje”, ka pohuar Zeqiri duke shtuar se në fakt do donte të mos dashuronte kaq fortë, pasi më parë ka qenë edhe më ndryshe, megjithatë mendon se tashmë nuk mund të ndryshojë më, duke shtuar se dashuria është nga gjërat më të mëdha, bashkë me muzikën.
