Prej disa ditësh tashmë, Dafina Zeqiri po shijon disa ditë pushimi me nënën dhe motrën e saj Tringa!
Këngëtarja e ka bërë traditë tashmë që çdo vit të marrë të ëmën me pushime, për të kaluar disa ditë relaksi.
Duke qenë se babai e ka braktisur që të vogël, Dafina është shumë e dhënë pas të ëmës, e cila i ka qëndruar pranë çdo herë.
Këtë e shpreh edhe këngëtarja në një postim nga ishujt Maldive. Ajo ka publikuar një foto të nënë së saj ndërsa shkruan disa fjalë zemre për të:
“Sikur ta kisha çdo ditë këtë pamje mëngjesi!
Të dua kaq shumë! Faleminderit që na mësove si të jemi vetvetja, si të duam dhe të respektojmë veten! Të jetojmë jetën tonë jo përmes të tjerëve. T’i lëmë fjalët e njerëzve të na hyjnë nga një vesh dhe të na dalin nga veshi tjetër!”.
Dafina Zeqiri dhe dy motrat e saj, Besa dhe Tringa nuk flasin me babain e tyre.
Që kur ishin të vogla, motrat Zeqiri nuk ruajnë kontakte me babain, i cili i ka braktisur dhe këtë gjë Dafina e ka bërë të ditur në shumë intervista ku është pyetur në lidhje me familjen.
Pasi Dafina u bë e famshme si këngëtare dhe Besa u bë modele, babai i tyre i kontaktoi për t’u kërkuar falje pas 21 vjetësh, por ishte shumë vonë.
https://www.instagram.com/p/B5Z4M3eB445/
