Dafina Zeqiri prej kohësh bashkëpunon me një skuadër djemsh, të cilët tashmë janë njësoj si familja e saj. Madje në mesin e tyre, Dafina ndihet si një princeshë e vërtetë, sepse ata kujdesen në maksimum për artisten. Këtë gjë e ka dëshmuar vetë Dafina përmes një postimi në rrjete sociale.
Ajo ka publikuar një video në të cilën menaxheri dhe bashkëthemeluesi i labelit “Moneyz”, Pëllumbi, shihet duke i drejtuar flokët Dafinës me një pjaster. Dafina ka treguar se ndihet me shumë fat që djemtë kujdesen edhe për të tilla detaje për të.
“Unë jam e vetmja vajzë në skuadër dhe gjithmonë marr gjithë ndihmën që dua”, ka shkruar Dafina përkrah videos.
Ndërkohë së fundmi artistja ka zbuluar se ditën e sotme në orën 18:00 do të publikojë projektin e shumëpritur. Ajo ka publikuar një pjesë të shkurtër nga videoklipi bardh e zi, në të cilin shfaqet duke ecur përkrah disa njerëzve. Kënga e re do të mbajë titullin “Duro” dhe Dafina ka zbuluar se do të ketë në fokus problemet me shëndetin mendor.
View this post on Instagram
Kujtojmë se disa ditë më parë, Dafina tregoi se i ishte nënshtruar një operacioni delikat në gju, pas dëmtimit të ligamenteve të tij. Për pesë javë, këngëtarja ka kaluar ditë të vështira teksa rikuperohej dhe gjithçka na e tregoi përmes një videoje të publikuar në Instagram.
