Shpesh herë thonë që gjestet e vogla apo detajet janë ato që i japin jetë një marrëdhënie në çift. E thënë kjo nga një femër, ka shumë rëndësi. Femrat janë ato që i vënë re detajet dhe i krahasojnë më pas me historitë e dëgjuara nga shoqet, filmat, apo librat, për të analizuar lidhjen.
Gjestet e mëdha dhe dhuratat nuk refuzohen, por nuk janë vetëm objektet materiale që provojnë vërtet se sa kujdeseni për një femër. Kështu që herën tjetër që përpiqeni t’i lini përshtypje një femre, merrni parasysh këto 10 gjëra :
1.Pyete çdo ditë: Si e kalove ditën? Në këtë mënyrë i tregoni asaj se ju interesojnë edhe gjërat e vogla dhe dëshironi të mësoni më shumë për të.
2.Hapni derën e makinës dhe nëse nuk keni makinë, mjafton t’i hapni derën e një lokali kur shkoni për të pirë një freskuese. Kjo sjellje prej kavalierësh, vlerësohet gjithmonë.
3.Përqafimet dhe puthjet janë ëmbëlsia e çdo lidhje. Të qëndrosh për disa sekonda më shumë, përkthehet “Mos harro që të dua”.
4.Dëgjojeni atë: Përveç se është mirësjellje, nëse e dëgjoni atë me kujdes do të tregoni se jeni të interesuar dhe se ajo ia vlen për t’i kushtuar vëmendje.
5.Harrojini sms në rrjetet sociale, telefonojeni për t’i dëgjuar zërin. Do të respektoheni nëse kapni celularin dhe e telefononi atë.
6.Thuaji që duket e bukur dhe mos e “mbyt” me komplimente të cilat ajo nuk i beson. Femrat kënaqen kur ju përmendni diçka specifike që ju pëlqen tek ajo.
7.Mbani mend detajet nga bisedat e mëparshme: Kur ju kujtoni ndonjë detaj që ajo ka përmendur kohë më parë, do të thotë se ju keni qenë të vëmendshëm.
8.Kapeni për dore: T’i mbani dorën është akoma një shenjë dashurie dhe i tregoni të tjerëve që ju jeni krenar për të.
9.Surprizojeni me një sms të papritur. “Më mungon” do të mjaftojë. Nëse je duke menduar për të, dërgoji një sms.
10.Thuaj “Të dua” në momente të rastësishme: Nëse ia thoni në momente që ajo më pak e pret, do ta bëjë më speciale.
