Lëvizja me mjete të transportit publik këto ditë të ftohta dimri, është bërë edhe më e vështirë, për shkak të kushteve dhe trafikut të madh që ka në kryeqytet.
Por sikur të mos mjaftonte kjo, tanimë ndalesat e autobusëve po bëhen edhe për arsye private.
Rasti më i fundit, është publikuar pak minuta më parë Facebook, nga qytetari Art Leshnica.
Shoferi i linjës së urbanit të Unazës ka ndaluar në stacionin afër zonës së Brrylit dhe konsumon dy cigare, për qejfin e tij para se të niset.
Të mësuar nga kjo sjellje, qytetarët duket se nuk ankohen, por e presin atë t’i pijë me qetësi cigaret para se të kujtohet se është në krye të detyrës.
Vonesat e shkaktuara me qëllim nga drejtuesit e mjeteve të transportit publik bëhen shpesh, për të koordinuar oraret me njëri-tjetrin, por harrojnë që kjo u bie në kurriz qytetarëve.
