Shumë shqiptarë po i drejtohen vitet e fundit vendeve të Bashkimit Europian dhe kjo lidhet me faktorët ekonomik.
Sipas anketës së INSTAT për Forcën e Punës, 2017, arsyeja kryesore e largimit nga Shqipëria është “Mundësi punësimi” sipas 84% të përgjigjeve.
Bashkimet familjare ose arsye të tjera që lidhen me familjen janë shkak për emigracionin në masën zënë 4.6% të përgjigjeve, ndërsa 3.6% e të larguarve nga vendi janë për qëllime studimi.
Pavarësisht se dëshira për migrim vërehet tek të gjitha grupet shoqërore, ajo nuk është më një karakteristikë vetëm e grupeve të varfra të shoqërisë shqiptare. Vrojtimi i ndau të anketuarit në 10 grupe të mëdha, duke u bazuar në të ardhurat mujore ose vjetore të familjes së tyre . Të dhënat e anketës tregonin se migrimi potencial ishte më i lartë te familjet që e karakterizonin gjendjen financiare si “fare të pamjaftueshme”, të “pamjaftueshme”.
Për t’u habitur është fakti se, sipas anketimit rreth 55% e familjeve që kishin të ardhura ndërmjet 1000-1400 eurove, donin të largoheshin.
Gjithashtu, në këto përmasa, planifikojnë të ikin edhe personat me paga 470 deri në 950 euro në muaj. Nga ana tjetër, shihet se më pak se 50% e personave me paga nën 370 euro planifikojnë të ikin.
Burimi: Monitor
