“Tv Klan” publikoi ditën e sotme spotin e ri televiziv, ku njoftonte se emisioni më i ri “Duplex Show” do të shfaqet nga muaj shtator në ekran, në orën 20:05.
Në spot shfaqeshin aktorët e programit, të cilët nxitimthi hynin brenda ambienteve të televizionit “Klan”. Mirëpo mungesa e aktores Esmeralda Metkaj, (e njohur ndryshe si Cubi) ngriti dyshimet se ajo kishte vendosur të mos ishte pjesë e spektaklit.
“Cubi nuk është pjesë e grupit? Apo po xhiron spotin pas kamerave?” – shkruanin fansat.
Vetë aktorja ka reaguar menjëherë pas pyetjeve të shumta të fansave, ku shpjegon se është pjesë e “Duplex Show” dhe se gjatë kohës që xhirohej spoti, ndodhej brenda ambienteve të “Klan”duke i pritur kolegët me tufa me lule.
“Për të gjithë që më pyesin “Pse s’jam ne spot?””..Pa merak njerëzz, jam brendaa në Klan… Po i pres koleget me luleee…” – shkruan aktorja Esmeralda Metkaj.
