Modelja Heidi Lushtaku dhe boksieri Robin Krasniqi, pas një historie të gjatë dashurie vendosën t’i japin fund lidhjes së tyre në prill të këtij viti.
Lajmin për ndarjen e konfirmoi ajo vetë në një postim të gjatë, në Instagram.
Mesa duket bukuroshja nuk ka kohë për të humbur e për t’u mërzitur për atë çka mbeti pas.
Ajo po shijon çdo moment të jetës si beqare, duke u shoqëruar e festuar, me persona të famshëm siç është aktori amerikan Sylvester Stallone.
Ka qenë ajo e cila ka publikuar një foto në profilin e saj dhe të gjithë ngelëm të habitur.
Çfarë e lidh Heidin me Stallonen?!
“Vera është duke ardhur.”- shkruan modelja në foto, pa dhënë asnjë informacion më shumë.
Foto e shkrepur në një jaht, nga Heidi, ka në sfond një grup personash, ku në mesin e tyre qëndron Stallone, i njohur ndryshe dhe me emrin Rambo nga personazhi i famshëm që ka luajtur në filmin First Blood.
Ylli i filmave amerikanë ka pozuar përpara kamerës i buzëqeshur e duke përshëndetur me dorë.
Kjo foto është prova që diçka po kurdiset dhe me shumë mundësi do të jetë ndonjë projekt i bukur veror që lidh bukuroshen me “Rambon”.
