Misteri më i madh në Hollywood, është se ku ndodhet Jamie Foxx!
Fituesi 55-vjeçar i çmimit ‘Oscar’, pësoi një “komplikacion mjekësor” gjatë xhirimit të filmit aksion për Netflix, “Back in Action” në Atlanta, më 11 prill. Deri atëherë ka pasur shumë pak lajme, e sidomos që kur vajza e tij më e madhe, Corinne Foxx, ndau një deklaratë në Instagram.
“Ne donim të tregonim se babai im, Jamie Foxx, përjetoi një komplikacion mjekësor dje. Fatmirësisht, për shkak të veprimeve të shpejta dhe kujdesit të madh, ai tashmë është në rrugën e rikuperimit. Ne e dimë se sa i dashur është ai dhe vlerësojmë lutjet tuaja. Familja kërkon privatësi gjatë kësaj kohe.”
‘Pagesix‘ raporton se një anëtar i familjes tha se Foxx “po shërohet mirë”, por gjithashtu zbulon shqetësimin brenda Hollivudit se heshtja që rrethon Foxx mund të ndikojë në karrierën e tij të ardhshme. Fati i filmit të tij të ri në Netflix “Back in Action” është gjithashtu shumë dyshues, nëse do vijojë apo jo.
Ajo që dihet është se Foxx ka qenë duke u rikuperuar në një klinikë në Çikago që është e specializuar në shërimin e goditjes në tru. Mike Tyson pretendoi se ylli kishte pësuar një goditje në tru , megjithëse kjo nuk është konfirmuar.
