Virusi vdekjeprurës Covid-19 po i rrit frikshëm dita ditës shifrat e të prekurve dhe jetëve të humbura në të gjithë botën.
Ditën e sotme, numri i jetëve të humbura nga Koronavirusi në Greqi ka shkuar në 6.
Personi që humbi jetën është një 70-vjeçar nga zona e Kosturit.
Deri tani, numri i rasteve të infektuara në shtetin fqinj është 418, ndërsa qeveria ka marrë masat e nevojshme për frenimin e virusit.
Që prej ditës së djeshme janë mbyllur të gjitha bizneset dhe aktivitet publike, megjithatë janë ende të hapura portet, aeroportet, linjat urbane, interurbane, taksitë dhe metroja e Athinës.
