Sipas një deklarate nga Organizata Botërore e Shëndetësisë, përhapja e koronavirusit nga personat asimptomatikë është shumë e rrallë.
Epidemiologia e Organizatës Botërore të Shëndetësisë, Maria Van Kerh, u shpreh dy ditë më parë në një konferencë se rrallëherë një person pa simptoma e transmeton virusin tek një person tjetër. Van Kerhove tha që njerëzit që nuk kanë simptoma shpesh zhvillojnë një formë të butë të sëmundjes. Ajo përsëriti se virusi përhapet më shumë përmes kollës dhe pështymës. (Lexo këtu)
Mirëpo, asaj i është dashur të korrigjojë deklaratën e saj pas kritikave të shumta që ka marrë nga ekspertët e shëndetit.
Kerhove është shprehur se është keqkuptuar nga publiku, pasi është shprehur gabim.
Ajo nuk duhet të kishte përdorur shprehjen “rrallëherë”, pasi në fakt përhapja e virusit nga personat asimptomatikë ndodh dhe ndodh shpesh.
Epdemiologia sqaroi se rrezikshmëria për përhapjen e virusit është e njëjtë në të gjitha rastet, ndaj të gjithë duhet të vazhdojmë të bëjmë sërish tepër kujdes.
Kerhove rrëfeu se në disa studime, deri në 40% e përhapjes së virusit vjen nga personat asimptomatikë, mirëpo kjo fjali nuk ishte përfshirë në deklaratën e dy ditëve më parë, duke sjellë keqinformim të shoqërisë.
Një tjetër sqarim që epidemiologia bëri ishte fakti që ajo i referohej njerëzve vërtet asimptomatikë dhe jo atyre presimptomatikë, të cilët simptomat i shfaqin më vonë.
“Vazhdoni të mbani maska dhe të ruani distancën!”- bëri thirrje Jeremy Konyndyk, ekspert në Qendrën për Zhvillimin Global.
