Nga sot, pra më 7 gusht, Shqipëria dhe Kosova së bashku me Bosnjën dhe Hercegovinës, Izraelin, Libanin dhe Singaporin, janë në listën e verdhë të rrezikshmërisë nga pandemia e koronavirusit në Malin e Zi.
Kjo do të thotë se qytetarët e shqipërisë dhe Kosovës do t’u kërkohet testi për COVID-19 sipas metodës PCR dhe ai serologjik – Elisa ose ECLIA , i bërë jo më herët se 72 orë.
Testi virologjik, me metodën PCR, përcakton nëse virusi është aktiv, kurse testi serologjik tregon nëse personi ka qenë i infektuar me koronavirus.
Në njoftimin e qeverisë malazeze, thuhet se lejohet hyrja për qytetarët nga Rusia, Ukraina, Kanadaja, Azerbajxhani, Bjellorusia dhe Zimbabveja, pa test.
Në Mal të Zi janë të detyrueshme mbajtja e maskave mbrojtëse, kufizimet për tubimet në natyrë dhe mbajtja e distancës fizike në ambiente publike të brendshme.
Në Mal të Zi, që nga fillimi i pandemisë, janë regjistruar 3480 raste të të infektuarve me COVID-19.
#NKT: Objavljena je nova @ijzcg lista država čiji rezidenti od. sjutra, 7. avgusta, mogu slobodno da ulaze u Crnu Goru bez dodatnih ograničenja. Na listu su dodati: #Azerbejdžan, #Bjelorusija, #Kanada, #Rusija, #Ukrajina i #Zimbabve. https://t.co/SMxcbHfoMh#CoronaInfoCG pic.twitter.com/Zu2p3tZaj4
— Vlada Crne Gore (@VladaCG) August 6, 2020
