Qeveria greke ka vendosur shtyrjen e bllokimit të kufirit me Shqipërinë, Maqedoninë e Veriut dhe Turqinë deri në datën 14 gusht.
Sipas qeverisë greke deri në datë 14 gusht kalojnë shtetasit shqiptarë me leje qëndrimi, shtetasit grekë, punëtorët sezonalë, anëtarët e familjeve të shtetasve grekë, diplomatët etj., por nuk lejohen turistët.
Mediat greke raportojnë se zëvendës Ministri i Shëndetësisë, Vasilis Kotzamanis tha të premten në Parlament se autoritetet shëndetësore greke po kryejnë 9,000 teste çdo ditë në pikat kufitare.
Ministri, duke iu përgjigjur një pyetjeje nga deputeti i SYRIZA-s, Meropi Tzoufi për mungesën e testimit në vendkalimin kufitar Kakavijë në Greqinë veriore, tha se kufiri është hapur vetëm për punëtorët që udhëtojnë midis Greqisë dhe Shqipërisë, banorët e përhershëm dhe grekët etnikë dhe jo për udhëtarët.
Kotzamanis tha që autoritetet “nuk i lënë asgjë rastësisë” dhe 2,000 kontrolle janë kryer në Kakavijë në 11 dhe 12 korrik./ Dosja.al
