Ish-ministri dhe ish-deputeti i Partisë Socialiste, Marko Bello, ka ndërruar jetë për shkak të Covid-19.
Ai po kurohej në Turqi pas rëndimit të gjendjes së tij shëndetësore, mirëpo gjendja e tij është rënduar aq shumë sa i ka kushtuar jetën deputetit.
Ai është ndarë nga jeta në moshën 59-vjeçare.
Marko Bello lindi në vitin 1961. Ai ka qenë deputet i Kuvendit të Republikës së Shqipërisë nga viti 2001-2013 dhe ka mbajtur postin e ministrit për Integrimin Evropian dhe ministër Shteti për Koordinimin Qeveritar.
Marko Bello ka shërbyer edhe si ambasador i Shqipërisë në Rumani në periudhën 1997-2000,. Më pas ai ka mbajtur edhe detyrën e zv/ministrit të Mbrotjes. Marko Bello ishte dhe një nga anëtarët themelues të Këshillit të Ambasadorëve Shqiptarë.
