Pjesa më e madhe e Europës mbetet me rrezikshmëri të lartë udhëtimi në raportin e CDC, ndërsa rajonet e tjera përmirësohen
Shqipëria dhe Kosova janë dy prej gjashtë destinacioneve që CNN sugjeron për turistët këtë sezon veror. Sipas analizave të kryera nga Qendra Amerikane për Kontrollin dhe Parandalimin e Sëmundjeve vendi jonë dhe Kosova konsiderohen si dy prej vendeve me risk të ulët rreziku nga pandemia e Covid.
“Njerëzit që duan të bëjnë një udhëtim në Evropë, por duan të shmangin destinacionet me rrezikun më të lartë, kanë vetëm disa zgjedhje : Shqipëri, Bosnje dhe Hercegovinë si dhe Kosovë, të gjitha në Gadishullin Ballkanik ose Armenia, në rajonin malor të Kaukazit”, ka shkruar CNN.
Për të tretën javë radhazi, Qendrat Amerikane për Kontrollin dhe Parandalimin e Sëmundjeve nuk shtuan asnjë destinacion të ri në kategorinë e nivelit 4 të rrezikut më të lartë për udhëtime.
Në fakt, shtatë destinacione në Azi dhe Karaibe u zhvendosën në kategorinë me rrezikun më të ulët të CDC për udhëtime gjatë pandemisë, që konsiderohet Niveli 1.
Por pjesa më e madhe e Evropës – përfshirë superfuqitë e saj përsa i përket udhëtimit – mbetën të vendosura bimdshëm në Nivelin 4.
Merrni si shembull Mbretërinë e Bashkuar. Është në nivelin 4 që nga 19 korriku 2021. Kjo i vendos Anglinë, Skocinë, Uellsin dhe Irlandën e Veriut të gjitha në kategorinë e rrezikut “Shumë të lartë” për Covid-19.
CDC e cakton një destinacion në rrezik të Nivelit 4 kur më shumë se 500 raste për 100,000 banorë janë regjistruar në 28 ditët e fundit.
