Sipas raportimeve të shumta, Megan Fox dhe Machine Gun Kelly kanë pasur “një sherr të madh” gjatë fundjavës së Super Bowl që çoi në dramën e tyre në mediat sociale dhe ndezi thashethemet për ndarje.
“Ata nuk i kanë dhënë fund zyrtarisht fejesës, por Megan hoqi unazën e saj”, tha një burim për “People Monday”. “Ata kanë pasur probleme në të kaluarën, por gjërat duken mjaft serioze këtë herë.”
Burimi shtoi se Fox është “shumë e mërzitur” dhe “nuk do të flasë me” Kelly pas debatit të tyre. Ndërkohë, “Us Weekly” raportoi që aktorja “duhej të shkonte” në performancën e rokerit në “Sports Illustrated” të shtunën, por “anuloi planin dhe u largua” nga Arizona pas grindjes së tyre. Një burim i tha revistës se Kelly u duk mirë gjatë performancës.
Një burim i brendshëm konfirmon për “Page Six” se Fox nuk ishte s pranishme kur MGK doli në skenë. Ajo gjithashtu anashkaloi tapetin e kuq të eventit.
Gjatë koncertit, Kelly këndoi “Bloody Valentine” për “zonjat” por nuk përmendi të fejuarën e tij ose të këndonte “Twin Flame”, një këngë që i referohet marrëdhënies së tij me Fox.
Ndërsa një burim i tha “Entertainment Tonight” se “energjia e Kelly-t ishte e ulët” në skenë, ata gjithashtu pohuan se çifti ishte “bashkë gjatë gjithë fundjavës së Super Bowl” dhe “dukej mirë”.
Sakaq, është e paqartë nëse ata morën pjesë në ndeshjen e kampionatit të NFL të së dielës.
Fox la të kuptohet se kishte “telashe në parajsë” herët të dielën kur ajo hoqi Kelly nga Instageami. Më pas ajo ndoqi tre emra të njohur – duke përfshirë Eminem, me të cilin këngëtari ka pasur një sherr të bujshëm.
U tha se MGL e tradhtoi atë me kitaristen e grupit të tij, Sophie Lloyd. Por kur një përdorues i Instagramit pyeti në sektorin e komenteve nëse MGK e tradhtoi me Lloyd-in, Fox u përgjigj: “Ndoshta unë jam lidhur me Sophie”.
Ylli i “Transformers” pas kësaj ka fshirë llogarinë e saj në Instagram.
Çifti nisën lidhjen që nga viti 2020. Kelly u ul në gjunjë dy vjet më vonë, dhe Fox tha “Po”.
