Marka “SK-II” bashkoi forcat me “National Geographic” dhe katër imazhe të njohura në të gjithë botën, përfshirë fashionisten Chiara Ferragni, për të testuar produktin e tyre hero “Facial Treatment Essence”.
Në fushatën e re, Ferragni, bashkë me aktoren japoneze, Kasumi Arimura, aktoren kineze, Nini dhe aktoren/boksieren e Koresë së Jugut, Lee Siyoung, përballen me disa nga ekstremet e klimës, nga temperaturat nën zero te ato më të lartat dhe ndotjen.
Chiara Ferragni kaloi në një nga vendet më të nxehta dhe të thata në botë, Anza Borrego. Pasi iu desh të ecte në vendin e rrethuar kudo nga shkretëtira, modelja duhet të realizonte një set fotografik. Por si ishte gjendja e lëkurës së saj?
“Kishte kaq shumë thatësirë, sa mendova se lëkura ime do të ishte dëmtuar. Ishin kushtet më të vështira atmosferike që kam përjetuar. Kisha shumë frikë që do të përballesha me kamerën. Por u surprizova pasi lëkura dukej e mrekullueshme. Nuk mund ta besoja që lëkura u përball me thatësirën dhe rezistoi”, shprehet Chiara, duke theksuar se kjo ndodhi falë produkteve të “SK-II”.
Burimi: Elle
