Prej disa ditësh, koronavirusi i përhapur fillimisht në Kinë ka prekur edhe vendin tonë fqinj, Italinë, duke e çuar në 7 numrin e viktimave.
Duke qenë kaq pranë, rreziku i kanoset edhe Shqipërisë, ndaj populli ka nisur të marrë masa për parandalimin e tij.
Siç është këshilluar gjatë këto ditë, gjithkush duhet të përdorë maska mbrojtëse, doreza e dezinfektantë për duart.
https://www.instagram.com/p/B86ScNdgGpk/
Mirëpo, këtu nis problemi ynë!
Kostoja e këtyre produkteve që janë kaq të kërkuara këto ditë nuk është ajo e mëparshmja.
Çmimi i dezinfektantëve ka shkuar në stratosferë, njëjtë si ai i maskave mbrojtëse!
Një dezinfektant i thjeshtë që deri dje kushtonte 150 lek të reja, sot kushton plot 600 lekë!
Po ashtu, edhe çmimi i maskave mbrojtëse është rritur në 450 lek të reja, një çmenduri për popullin që kërkon të mbrohet këto ditë ankthi e paniku.
Për këtë veprim aspak të arsyeshëm duhet që Prokuroria e Tiranës të nisë patjetër një hetim apo të ndërhyjë Autoriteti i Konkurrencës, siç ka ndodhur sot në Itali.
Këto çmime të pompuara janë një padrejtësi e hapur ndaj popullit shqiptar, ku shfaqet qartazi mënyra brutale e përfitmit në kurriz të një kauze që ka shqetësuar këdo.
Për këtë çështje, Ministrja e Shëndetit, Ogerta Manastirliu, u shpreh në emisionin “Open” të Eni Vasilit se ky rast do të marrë vëmendjen dhe masat e duhura.
Shpresojmë që puna të nisë sa më parë! /Iconstyle.al
