Nuk e dimë se ç’jeni në gjendje të bëni ju për idhullin tuaj por për hir të së vërtetës ç’nuk na kanë parë sytë të bëjnë fansat e zjarrtë për idhujt e tyre!
Nga veshjet me printime, udhëtimet nga vende të largëta, dhurata të veçanta e shumë gjëra të tjera. Madje, disa shkojnë deri në atë pikë sa gdhendin në lëkurë emrat e artistëve apo edhe më larg, tatuazhojnë portretet e tyre.
Diçka të tillë e kanë bërë fansat e Noizyt disa herë. Rasti i fundit ishte në verë kur reperi ndau në InstaStory një foto të krahut të një fansi të zjarrtë, i cili kishte realizuar portretin e tij.
Ndërkohë, së fundmi ai ka ndarë në Instagram disa video shumë të bukura. Teksa ishte duke udhëtuar me makinë, reperi është pikasur nga një grup fansash.
Kjo ka bërë që ai të ndalonte makinën dhe t’i takonte fanset e tij, të cilat janë emocionuar nga ky gjest. Në videot e shpërndara nga reperi shihen tek bërtastin dhe e përqafojnë atë.
Kush e di sa fansa të Noizyt do donin të ishin në vend të vajzave.
Këtë vit artisti ka qenë shumë aktiv në muzikë. Pak javë më parë, Noizy erdhi në bashkëpunim me Predz UK, Swarmz dhe Simba.
Djemtë sollën një projekt “zjarr” që u titullua “Naughty naughty”, i cili brenda 7 ditëve ka arritur 1.5 milion klikime në Youtube.
