Luiz Ejlli dhe Kiara Tito janë çifti që të gjithë po shohin në “Big Brother Vip Albania”, por vetëm vetë Kiara dhe shoqja e saj e ngushtë nuk po e shohin.
Këngëtari prej ditës së parë ia ka hedhur sytë moderatores, ndonëse kjo e fundit duket se nuk ka të njëjtin interes ndaj tij.
Këtë sapo e vërtetoi edhe shoqja e saj e ngushtë Liesa Haxhiasllani, e cila së fundmi ka ndarë një “Instastory”.
Ajo ka postuar një foto sikur po merr Kiarën në telefon teksa krahas shkruan: Unë duke u përpjekur të lidhem me Kiarën për t’i thënë që mirësia e saj po merret si flirt.
Epo mesa duket edhe me kaq Liesa mikesha e Titos duket se nuk e sheh një çift të mundshëm shoqen e saj me Luizin.
Nga ana tjetër pas refuzimeve të vazhdueshme të Kiara Titos, Luizi nuk e ka përjashtuar mundësinë e flirtimit me vajza të tjera brenda shtëpisë së Big Brother Vip.
Teksa fliste me Olta Gixharin, kjo e fundit e pyeti Luizin se pse nuk është martuar deri më sot. Me batutë këngëtari tha se atë nuk e ka marrë njeri.
Më tej në bisedë aktorja e ngacmoi edhe për raportin e tij me Tean, me të cilën Luizi ka qenë mjaft i afërt këto ditë.
Ai tha se te Tea i pëlqen fakti që mund të flasë me të për shumë kohë dhe ajo nuk i flet për asnjë nga banorët e tjerë në shtëpi, duke e cilësuar këtë pjekuri nga ana e saj.
Edhe pse ka kaluar pak kohë brenda shtëpisë së BBV2, Luizi duket se ka një pëlqim për Kiara Titon, për të cilën e shpreh shpesh herë.
Por së fundmi, Luizi duket i paqartë në raport me këngëtaren. Teksa bisedonte me Kiarën në oborr, Luizi tha se ajo e ka lodhur.
