Moti pasditen e sotme ka marrë një kthesë të papritur. Një stuhi shumë e fortë ere e breshëri ka përfshirë mbrëmjen e sotme Tiranën, duke kufizuar qarkullimin e trafikut. Era e fuqishme ka rrezikuar shkuljen e pemëve në rrugë dhe parqe, duke shkaktuar shqetësime për dëme të mundshme.
Ndërkohë, në Elbasan, moti ka marrë një kthesë dramatike që prej orës 19:00, kur qyteti u përfshi nga reshje të dendura shiu, stuhi dhe erë të fortë. Këto kushte kanë ndikuar në mënyrë të konsiderueshme në qarkullimin nëpër rrugë.
