Thuhet se të gjithë e kanë një person binjak në botë dhe mesa duket kjo është sozia e presidentit amerikan Donald Trump.
Dolores Leis Antelo ka jetuar me bashkëshortin e saj në një fermë në “Kabana de Bergantinos” të Spanjës për më shumë se 40 vjet. Edhe përse ajo nuk ka një kompjuter apo telefon, Antelo është personi më i famshëm në internet pas intervistës për median spanjolle “La Voz de Galicia” për shkak të ngjashmërisë së frikshme me Donald Trump.
“Fotot e mia duket se kanë udhëtuar shumë larg. Unë mendoj se është për shkak të ngjyrës sime të flokëve të mi” – u shpreh Dolores për median spanjolle.
Tashmë që fotoja mori famë, të gjithë familjarët e quajnë kushërirën e Donald Trump.
”Nuk kam qënë asnjëherë kurioze për të pasur Twitter por vajzat e mia kanë dhe shpeshherë më tregojnë. Ato më thanë se kjo foto do të më bëjë të famshme por nuk e kuptoj përse” – tha ajo.
Kaq ka mjaftuar që faqet ta përdorin në meme gazmore.
