Beyonce ka konfirmuar zyrtarisht turneun botëror “On The Run Tour II” me Jay Z.
Mbretëresha e muzikës pop ka shfrytëzuar rrjetet sociale Facebook dhe Instagram, për të konfirmuar turneun me bashkëshortin e saj.
Ajo publikoi një klip bardh e zi ku shfaqej në disa momente intime me reperin, dhe në disa pjesë të shkëputura nga turneu i parë me Jay-Z.
Por ajo që ka tërhequr vëmendjen e shqiptarëve është emri i turneut, OTR. Noizy ka qenë i pari që ka komentuar në postimet e Beyonce-s në Instagram.
Duke qenë i ngjashëm me labelin e reperit ai shkruan:
“E kemi me 3 jo me 2 me shpirti”!
Duke filluar nga e mërkura e 6 qershorit, çifti do të ndalet në plot 15 qytete përreth Britanisë së Madhe dhe Evropës, e 21 qytete tjera të Amerikës së Veriut.
Në verën e vitit 2014, Beyonce dhe Jay Z performuan gjashtë javë dhe arritën që të shesin biletat e të gjitha koncerteve.
Turneu u mbyll me dy koncerte ndërkombëtare në Paris ku u xhirua edhe një video nga rrjeti televiziv HBO që mori edhe nominim Emmy.
Shitja e biletave fillon nga 14 marsi në ora 10:00.
