Çdo instuticion shtetëror ka një kod përsa i takon veshjes. Edhe parlamenti i Shqipërisë ka kodin e tij të veshjes, për këtë arsye deputetët i shohim gjatë gjithë kohës të veshur në mënyrë serioze, dhe në pjesën dërrmuese me kostum.
Në seancën e fundit plenare një prej deputetëve shqiptarë e ka thyer hapur kodin e veshjes. Eduard Shalësi u shfaq në parlament i veshur me tuta, atlete dhe me kapuç në kokë duke i habitur të gjithë.
Nuk është bërë e qartë se përse Shalësi është paraqitur në këtë formë, por në këtë seancë mazhoranca kishte planifikuar të votonte disa ligje, ndaj ka qenë e domosdoshme prania e të gjithë deputetëve.
