Ish-modelja e “Icon Agency”, Oriola Marashi dhe reperi i njohur, Noizy, janë bërë dy miq të mirë dhe këtë nuk lënë rast pa e treguar në rrjetet sociale. Kalojnë shumë kohë bashkë, por nuk mungojnë as komentet ndaj njëri-tjetrit në rrjetet sociale, që në jo pak raste janë edhe thumbuese.
Mbrëmjen e djeshme Noizy ka postuar në Instastory disa video ku shihet se Oriola po bën një veprim thuajse të çmendur që mund t’i rrezikojë edhe jetën.
Modelja e njohur shfaqet e hipur sipër parakolpit të makinës, ndërsa Noizy e nget makinën me ngadalë për të mos e rrëzuar. Jo vetëm kaq, por Oriola kthehet pas dhe i bën foto Noizy-t, teksa ai nget makinën dhe qesh me veprimin e modeles së bashku me disa djem të tjerë që janë në makinë.
Por mbrëmja e dyshes së njohur dhe e miqve të tyre duket se nuk ka përfunduar këtu, pasi Noizy ka postuar edhe disa video të tjera në orët e para të mëngjesit ku na tregon se janë në një vend bregdetar dhe teksa po argëtohen kanë ndezur edhe një zjarr të madh.
