Nëse mendoni se e keni parë çdo gjë në Disneyland apo Disney World, mendohuni sërish. Një surprizë e vogël por magjike po befasohet vizitorët dhe quhet “clap box”, një shesh i vogël me shirit ngjitës në trotuar, që në pamje të parë duket krejt i parëndësishëm… derisa dikush e shkel!
Çfarë ndodh më pas? Të gjithë punonjësit e parkut fillojnë të duartrokasin dhe të brohorasin për ty, si të ishe ylli i ditës! E gjitha është një lojë spontane dhe e papritur, që nuk njoftohet dhe nuk është e përhershme, ndaj kapet vetëm me fat.
Këto “clap boxes” shfaqen vetëm kur parku nuk është shumë i mbushur, ose kur ndonjë atraksion është përkohësisht jashtë funksionit. Qëllimi? Të mbajnë energjinë lart dhe të sjellin një moment gëzimi për vizitorët.
Pamjet nga këto skena janë bërë virale në rrjet, ku vizitorë të entuziazmuar shkojnë brenda e jashtë katrorit, duke marrë duartrokitje herë pas here.
