Ditën e sotme Ardit Gjebrea prezantoi gjithë emrat BIG që do të marrin pjesë këtë vit në “Kënga Magjike”. Artistët BIG që konkurrojnë në festivalin më të dashur të muzikës shqiptare janë:
Alban Ramosaj, Ardit Stafa & Salije Bajrami, Eneda Tarifa, Enxhi Kumria, Era Rusi, Erik Lloshi, Eva Alikaj & Çlirim Denaj, Fifi & Bruno, Fitnete Tuda & Don Duli, Gerta Mahmutaj, Julian Lekocaj, Klajdi Haruni & Flori Mumajesi, Krusita, Lindita, Lorenc Hasrama, Marjona Metohu, Marsela Çibukaj, Orgesa Zaimi, Semi Jaupaj, Soni Malaj, Xhesika Polo & Klint Çollaku, Xhon Jesku, Aurel Thëllimi, Eltina Minarolli & Dea Strica
Alban Ramosaj është këngëtari i parë që ka reaguar menjëherë pas zbulimit të emrave. Ai është shprehur shumë i lumtur që rikthehet në “Kënga Magjike” dhe ka zbuluar fabulën e këngës së tij. Albani ka treguar se në këngën me të cilën do të marrë pjesë në “Kënga Magjike” do të rrëfejë të gjithë eksperiencën e jetesës së tij në Spanjë.
“Pra miq, doli surpriza pa e thënë unë akoma. Sapo më dërguan këtë foton e disa pjesëmarrësve për këtë sezon. Shihemi tek Kënga Magjike sivjet. Për të gjithë që kanë qenë kuriozë se si ka qenë eksperienca ime në Spanjë tërë këto kohë, kam shkruar çdo gjë në atë këngë”, shkruan Ramosaj në një postim.
Këngëtari u largua disa muaj më parë nga Shqipëria për të nisur një jetë të re në Spanjë. Megjithatë gjatë një bisede virtuale me ndjekësit e tij, këngëtari nuk e përjashtoi mundësinë që të rikthehet dhe të jetojë sërish në Shqipëri.
“Sigurisht që po, nuk është se shkova në një planet tjetër o njerëz. Pastaj si dihet kurrë mbase dhe kthehem po s’u nejt mo ktej”, tha Ramosaj kur u pyet nëse do të kthehet prapë në vendine tij.
