Në 2017-n duket se gjithçka ishte/është e mbuluar me xixa dhe shkëlqim dhe të famshmit kudo janë të çmedur pas këtij trendi.
Kur “Saint Laurent” prezantoi koleksionin vjeshtë 2017 të gjithë nisën një “romancë me shkëlqimin”. Veçanërisht me një prej aksesorëve më vezullues.
Çizmet e bukura me kristale, që kushtojnë 10.000 dollarë, u kthyen shumë shpejt në fiksimin e atyre që shkelin në tapetin e kuq.
Dhe kur ke statusin e të famshmit e ke më të lehtë që përvetësosh atë që do.
Rihanna ishte personazhi i parë që posedoi çizmet kaq ëndërruese. Ajo u shfaq me to vetëm pak ditë pasi çizmet u prezantuan gjatë Javës së Modës në Paris në mars.
Më pas modelja Kendall Jenner shprehu vlerësimin e saj për këto çizme, foton e të cilave e publikoi në “Instagram”.
Por motra e saj Kim Kardashian bëri një hap më shumë dhe i bleu.
Ndërsa reperja Cardi B u shfaq me to gjatë perfomancës së saj në eventin “MTV VMAs”.
Celine Dion
Blac Chyna
Çizmet e punuara me dorë “Saint Laurent” janë të mbuluara me mbi 3.000 kristale “Swarovski” dhe u cilësuan si këpucët e vitit.
Në fakt këto këpucë nuk u dëshiruan vetëm nga personazhet e huaja, por edhe ato shqiptare.
Këngëtarja me origjinë nga Kosova, Rita Ora, u shfaq e veshur me to në videoklipin e saj të fundit.
Pasi ndryshoi 6 paraqitje në videoklipin “Anywhere”, nuk mund të na shpëtonin çizmet shkëlqyese YSL.
Por Rita Ora nuk ishte e famshmja e vetme shqiptare që u dashurua pas tyre. Supermodelja Emina Cunmula gjeti një mënyrë tjetër për ta sjellin trendin e çizmeve me gura: zgjodhi një palë më të lira.
Ajo u shfaq me shfaqjen e modës të “Philipp Plein” me një palë çizme të ngjashme, por të markës “Steve Madden”, të cilat kushtojnë 299.95 dollarë.
Një zgjedhje me mend dhe një këshillë e mirë për të gjithë ju që i doni por stepeni nga çmimi i lartë.
Në fakt këto çizme u imituan shumë nga markat e masës, kështu që mund të gjeni një palë të tilla te “New Look”.
Ose thjesht mund të ndiqni shembullin e blogeres së njohur shqiptare, Egreis Gjergjani: “Shih me sy dhe plas me zemër”.
“I dua këto por.. ku dreqin do t’i vesh në Kansas”.
Dhe ne rasti i kësaj të fundit jemi: na pëlqejnë t’i shohim te të famshmit, por Tirana nuk ka ende rrugë apo evente për t’i veshur ato.
Burimi: Iconstyle.al
