Është që është në modë- ripërpunimi i këngëve tradicionale- Çiljeta vendosi që të qëllojë drejt e në shenjë duke i ofruar një bashkëpunim legjendës së gjallë të muzikës tradicionale të veriut, Fatmira Breçani.
Në fakt, bashkëpunimi është paralajmëruar që prej një viti nga vetë Fatmira Breçani, por duket se vetëm tani janë “pjekur kushtet” për të publikuar këngën e re.
Në një intervistë të fundit për Eraldo Rexhon, Çiljeta zbuloi se kënga do të publikohet këtë muaj, së paku kështu janë planet.
Sipas “Who”, klipi i vendos Çiljetën dhe Fatmira Breçanin në rolet nuse- vjehrrë, pra është një këngë që në tematikën e saj ka raportin e stereotipizuar nuse- vjehrrë.
Video e fundit e publikuar nga Çiljeta ishte “Bonbone” në bashkëpunim me Alar Band, verën e kaluar.
