Këngëtarja e njohur shqiptare, Çiljeta Xhilaga nuk është vetëm një nga femrat më seksi të showbiz-it shqiptar, por është edhe një mama mjaft e përkushtuar dhe e rreptë kur duhet.
Tashmë i biri, Fernando është kthyer në shoqëruesin më të mirë në daljet e saj publike.
Megjithatë sot këngëtarja zbuloi se është një mama që vë rregulla dhe jep dënime.
Sot ajo ka qënë e ftuar në rubrikën “ Për drekë me mua” nga emisioni “E diela shqiptare”, në shtëpinë e aktorit Gent Hazizi.
Dhe gjatë kësaj kohe Xhilaga ka marrë një telefonatë ku mori vesh se i biri ishte larguar nga ora e kursit të anglishtes, sepse me sa duket nuk i pëlqen.
“Fernando, në qoftë se kjo përsëritet prapë do marrësh dënim, do shkosh në kopësht me drekë”- i ka thënë këngëtarja të birit. Ndërkohë ajo tregoi se kjo formë “dënimi” funksionon sepse Fernandos nuk i pëlqen të qëndrojë në kopësht ku duhet që gjumin e drekës ta bëjë atje.
Gjithashtu Çiljeta ka shpjeguar se djalit i duhet të mësojë anglisht sepse i ati është i huaj dhe vetëm në anglisht mund të komunikojnë bashkë.
