Sara Hoxha ka qenë e ftuar sonte në emisionin “Më lër të flas” në “Top Channel”. Ajo ka rrëfyer detaje nga jeta e saj personale, po jo vetëm kaq. Ajo foli edhe për suksesin që pati “Big Brother VIP”.
Ajo tha se suksesi u arrit si pasojë e një kasti spektakolar por edhe historive njerëzore që u pasqyruan. Sara shtoi se në fillim stafi e mori me frikë por më pas puna e tyre u shpërblye.
Ja një pjesë e shkurtër nga biseda:
Donald Veshaj: Si është të drejtosh një produksion të tillë dhe kush është sekreti i suksesit?
Sara Hoxha: E para nuk e kam bërë e vetme, kam pasur shumë njerëz të aftë afër vetes. Çelësi i suksesit ka qenë kasti spektakolar që kemi pasur dhe historitë njerëzore. Puna e palodhur e stafit ishte gjithashtu e rëndësishme, realisht ne u dashuruam me atë projekt, fillimisht e morëm me frikë por më pas as në shtëpitë tona nuk shkonim sepse merreshim me një shtëpi të madhe me 20 njerëz.
Më tej, ajo tha se ka mësuar jashtë mase shumë nga njerëzit e talentuar.
“Disa banorë ishin më problematikë se të tjerët. Unë punoj me njerëz shumë të talentuar e të dedikuar. Unë kam mësuar shumë nga ata dhe jam kjo që jam sot falë tyre”, u shpreh Sara.
