Një tjetër zarf i zi i ka pritur këtë mëngjes (1 mars) banorët e “Big Brother Vip”. Në të shkruhej, se pas paralajmërimit të një nate më parë, Ermiona Lekbello përjashtohet nga shtëpia, për shkak të ushtrimit të dhunës verbale.
Shkak për përjashtimin e Jonës është bërë një debat mes asaj Oltës, Kiarës dhe Maestros.
Ndërkohë, gjatë një bisede me Luizin, teksa po bënte gati valixhet për t’u larguar, Ermiona i kërkoi artistit nga Shkodra që pasi të dilte nga ajo shtëpi, mos të lejonte asnjë të fliste keq për të.
Ermiona: Të lutem mos lejo që të ndyjnë emrin tim kur të dal. Shpresoj ta fitosh ti.
Pas daljes në postimin e parë në Instagram, Jona publikoi një moment të përqafimit të saj me Luizin, ku e etiketoi si fitues.
Kujtojmë që në momentin kur Ermiona ishte duke dalë nga shtëpia, të vetmit që u afruan për ta përcjellë ishin: Luizi, Eva, Kristi, Keisi dhe Tani. Banorët e tjerë, ishin jashtë në oborr, duke diskutuar ngjarjet që ndodhën, duke mos zgjedhur që ta takonin.
Ermiona përqafoi dhe puthi Luizin, me të cilin ka pasur afrimitet më shumë në shtëpi, ndërsa si për çudi, Kiara nuk tentoi as ta takonte.
‘Të fala vajzës‘- i thotë Luizi dhe Eva.
