Justin Theroux foli për herë të parë për martesën me Jennifer Aniston, me të cilën festoi 1-vjetorin e kurorëzimit në gusht.
Aktori 45-vjeçar, i cili luan në filmin thriller “The Girl on the Train”, foli për marrëdhënien e tij gjatë një interviste për “Entertainment Tonight” të hënën.
Sekreti i lumturisë bashkëshortore? E gjitha lidhet me të qeshurat dhe respektin e ndërsjellë.
“Ne vlerësojmë sensin e humorit të njëri-tjetrit, ne respektojmë njëri-tjetrin dhe përparojmë bashkë. E di që duket e thjeshtë, por është e vërtetë”, tha ai.
Aniston gjithashtu ndan këtë pikëpamje, duke zbuluar në mars se, ajo që dashuron më shumë nga bashkëshorti i saj është aftësia e tij për ta bërë të qeshë.
“Jam me fat, sepse Justin është personi më qesharak që kam takuar ndonjëherë dhe ne e bëjmë njëri-tjetrin për të qeshur”, tha Aniston.
Pavarësisht se me statusin e të famshmit, ajo tregoi se ata qëndrojnë me këmbë në tokë. “Jeta në martesë është kaq normale dhe argëtuese. Ne ndihemi si të martuar për shumë kohë”, tha Aniston.
Çifti u martua në një ceremoni sekrete në Los Angeles më 5 gusht të 2015-s.
Burimi: Harper’s Bazaar
