Koha ka nisur të ngrohet dhe të gjithë kemi filluar të planifikojmë pushimet. Sipas sondazheve të bëra nga Kayak, ka një përgjigje se cilat janë ndër destinacionet më në modë të kësaj vere.
Në krye të desinacioneve më të preferuara këtë verë është mikpritësi i Lojërave Olimpike 2016, Rio de Janiero. Sipas Kayak, ka patur një rritje rreth 127% të interesit për të udhëtuar në Rio, krahasuar me vitin e kaluar. Por kushdo që është duke planifikuar të shkoj duhet të rezervojw sa më parë, përndryshe duhet të përgatitet të paguaj dyfishin e çmimit të fluturimit apo hotelit.
Rio është listuar i pari në klasifikim i ndjekur nga: Reykjavik, Islandë; Tokio, Japoni; Calgary, Kanada; Bali, Indonezi; Montreal, Kanada; Ho Chi Minh, Vietnam; Dublin, Irlandë; Lisbonë, Portugali dhe Toronto, Kanada.
Për pushimet evropiane Reykjavik është renditur i pari, me rreth 75% rritje të interesit, krahasuar me vitin e kaluar. Çmimet do të kulmojnë në korrik, prandaj Kayak rekomandon të rezervoni të paktën 10 javë përpara.
Të tjerë nga destinacionet më të preferuar në Europë janë; Qipro; Porto, Portugali; Karkow, Poloni; Helsinki, Finlandë; Oslo, Norvegji; Split, Kroaci; Bilbao, Spanjë; Napoli, Itali.
Planifikoni edhe ju udhëtimin tuaj në avancë, kështu që do të shpenzoni më pak.
