26 artistë janë përzgjedhur për të konkurruar këtë vit në Festivalin e 59-të të Këngës. Pasi janë dëgjuar të gjitha produksionet e mbërritura, juria e përbërë nga Alma Bektashi, Jonida Maliqi, Agim Doçi, Klodian Qafoku dhe Eugent Bushpepa, kanë vendosur cilat këngë do të konkurrojnë këtë vit.
Mes artistëve të rinj bien në sy edhe ata të njohur si Anxhela Peristeri, Era Rusi, Orgesa Zaimi, Manjola Nallbani, Rosela Gjylbegu etj. Artisti fitues pritet të përfaqësojë Shqipërinë vitin e ardhshëm në festivalin europian, “Eurovision”, i cili këtë vit nuk u organizua për shkak të pandemisë.
Ndërkohë ditën e sotme faqja zyrtare e festivalit ka publikuar sot 26 këngët që do të konkurrojnë këtë vit për të shkuar në Eurovision.
Më poshtë këngët pjesëmarrëse të festivalit:
Ndryshe nga çdo vit tjetër, për shkak të situatës së pandemisë “Festivali i Këngës” do të zhvillohet në ambient të hapur.
Vendi i zgjedhur është sheshi përballë stadiumit “Air Albania”, i njohur si sheshi tek “ish-Kolonat”.
Ende nuk dihet nëse do të ketë orkestër apo jo, gjë që mund të ndikojë edhe në performancën “live” të artistëve.
Këtë vit, “Festivali i Këngës” do të vijë në moderimin e Jonida Vokshit dhe Bledi Salajt.
