Megjithëse është një prej aktorëve më të suksesshëm, Tom Holland i druhet Hollywood-it dhe ndryshimit që ai sjell tek njerëzit.
Sipas aktorit, shumë persona kanë “humbur veten” kur janë futur në këtë botë dhe për të ka qenë e dhimbshme të shohë miqtë e tij të ndryshojnë. Ndaj, ai mundohet të bëjë jetë sa më normale e t’i largohet sa të mundet kësaj vëmendjeje të madhe.
“Vërtetë jam një adhurues i filmave, por nuk më pëlqen Hollywood-i, nuk është për mua! Jam gjithmonë në kërkim të mënyrave për ta hequr veten nga ajo, për të jetuar një jetë sa më normale të jetë e mundur.
Kam parë kaq shumë njerëz të vijnë para meje dhe të humbasin veten, dhe kam pasur miq me të cilët jam rritur që nuk janë më miqtë e mi, sepse e kanë humbur veten në këtë biznes.
Unë jam me të vërtetë i prirur të fokusohem në atë që më bën të lumtur, që është familja ime, janë miqtë e mi. Është zdrukthtaria ime, golfi im, bamirësia që drejton nëna ime.
Pikërisht, këto janë gjërat që më bëjnë vërtet të lumtur dhe këto janë gjërat që duhet të mbroj.”- tha aktori.
