Ne më shumë përdorim anën e majtë të fytyrës sonë për të dalë në foto sesa të djathtën dhe ka një arsye shkencore që shpjegon këtë gjë.
Një teori e quajtur “animi në të majtë” është përmbledhur nga një studim i kryer nga Annukka Lindell, në Universitetin “La Trobe” në Melburn. Lindell shqyrtoi 2.000 veta për të parë se cila anë e fytyrës shfaqej më shpesh dhe zbuloi se 41% të tyre shfaqnin anën e majtë të fytyrës, në krahasim me të djathtën (32%).
Studimi shpjegon gjetjet duke pohuar se ana e majtë e fytyrës kontrollohet nga hemisfera e djathtë e trurit, e cila është përgjegjëse për emocionet e një personi. Në thelb, ana e majtë e fytyrave shpreh emocionet më të plota, prandaj ne e shohim atë si anën tonë më të mirë.
“Duke pasur parasysh se vetëm 8% e “selfie”-ve treguan anën e tyre përballë, tendenca për të adoptuar në mënyrë të përsëritur një pozë të preferuar duket se është norma për ata që bëjnë “selfie”, shkroi Lindell në studimin e botuar në revistën “Frontiers in Psychology”.
Një studim i ngjashëm në vitin 2012 nga Universiteti i Wake Forest doli në të njëjtin përfundim:
“Ana e majtë shfaq një intensitet më të madh të emocioneve, që nga vëzhguesit jep një imazh më estetik”.
