A e pamë ne se si Hailey Bieber dhe Bella Hadid e dogjën rrjetin me fotot me bikini nga Italia? E pamë.
Gjithsesi më vonë mësuam se dy modelet kishin ribashkuar forcat për një set fotografik që do realizonin së bashku.
Largimi i Hailyt nga bashkëshorti i saj Justin Bieber erdhi në një moment kur ky i fundit po përballet me akuza për abuzime seksuale të cilat i ka mohuar dhe me fakte.
Mirëpo, modelja nuk ka reaguar rreth këtyre lajmeve, por ka fluturuar drejt Italisë.
Pyetja që lind tani është se si po e përjeton këngëtari i hitit “Sorry” largimin e bashkëshortes së tij në këtë moment?
Për më tepër kujtojmë se ata janë karantinuar së bashku gjatë pandemisë dhe kanë disa muaj pa u larguar nga njëri-tjetri.
Kështu, e kuptojmë shumë mirë Justini-n, i cili po vuan dhe po ia ndjen mungesën gruas së tij.
Ai ka shpërndarë në rrjetet sociale një foto ku shihet me Haileyn dhe shkruan: “Më mungon!”.
Lart e poshtë nëpër mediat e huaja thuhet se çifti ka në plan të bëhen prindër së shpejti, por gjithsesi deri tani nuk ka asnjë të re.
Kujtojmë se Justin e Hailey njihen prej 2009, por u lidhën në 2016, një romancë që nuk zgjati shumë, pasi 26-vjeçari u rikthye në krahët e Selena Gomez në 2017.
Megjithatë, çifti do ribashkohej në 2018, kur u fejuan dhe e kurorëzuan dashurinë e tyre në martesë në shtator të 2019.
