Kendall Jenner është lidhur me basketbollistin e NBA, Ben Simmons, së fundmi. Por supermodelja 22-vjeçare duket se i ka vënë syrin një mashkulli tjetër, vëllait 18-vjeçar të motrave Gigi dhe Bella Hadid, Anwar.
“DailyMail” publikoi një imazh të dyshes duke u puthur në buzë në festën pas ceremonisë së ndarjes së çmimeve të CFDA, që u mbajt në Nju-Jork.
Ne foto Kendall qëndron sipër Anwar, i cili është ulur në një divan dhe të dy shkëmbejnë një puthje pasionante në buzë.
Pavarësisht se fytyra e saj nuk duket, modeli i flokëve është i njëjti, por ashtu edhe veshja, këmisha e bardhë dhe pantallonat e shkurtra.
Jenner publikoi gjithashtu një foto të duarve të tij atë mbrëmje dhe këtë e dallojmë nga tatuazhet. Në një prej tyre shkruhet “Të dua engjëll”.
Vitet e fundit Anwar ka pasur një lidhje me modelen Nicola Peltz, me të cilën i ka dhënë fund lidhjes në maj.
Kendall dhe Anwar kanë qenë miq prej vitesh dhe shpesh kanë marrë pjesë në të njëjtat festa.
Burimi: Daily Mail
