Të gjitha mediat shkruan dje për zbulimin e një çifti të ri në “showbiz”-in shqiptar: Anaid Kalotin dhe Sara Kolamin.
Ai fitoi “Big Brother”, dhe njihet si një djalë që është përfolur për lidhje me shumë femra të njohura.
Ndërsa ajo është një nga moderatoret më të reja në televizion, por jo më pak të njohura.
Sipas mediave dyshja ishte parë bashkë në një lokal që menaxhohej nga fituesi i “Big Brother”, në një zonë mjaft të frekuentuar në kryeqytet.
Anaid dhe Sara kanë qenë shumë afër njëri-tjetrit, madje edhe të përqafuar pa shqetësimin më të vogël për sytë kureshtarë.
I pyetur nga JOQ, vetë Anaidi ka mohuar këtë lajm, duke thënë me humor se nëse një përqafim i bën njerëzit në një marrëdhënie, i bie që e ka tradhtuar Sarën dy herë brenda paradites.
“Na kanë parë diku përqafuar dhe kanë shkruar as që ju bënte përshtypje edhe pse mes njerëzish…Është kohë festash… Njerëzit e afërt kanë nevojë për përqafime. Nëse kjo i bën të jenë në një marrëdhënie, atëherë Sarën e kam tradhtuar sot 2 herë brenda paradites”, u shpreh ai.
