Pasditja me shi e së martës, nuk e ka ndaluar moderatorin e njohur të “Top Channel”, Ledion Liço, që të dalë shëtitje me djalin e tij të vogël, London Noor.
Atë e bir u fotografuan dje në rrugën Rruga Papa Gjon Pali II, pranë Radio Televizionit Shqiptar, duke shijuar një pasdite vetëm për vete, ndërkohë që mami Sara nuk ndodhej me ta.
“ICONstyle” siguroi fotot ekskluzive të vogëlushit London Noor, i cili ende nuk e ka bërë paraqitjen e tij në mediat sociale, duke qenë ky një vendim i prindërve për të ruajtur larg kamerave vogëlushin 5-muajsh.
Ndërkohë që mami Sara publikonte foto e veshur mjaft elegante në një restorant “duke drekuar”, babi Ledioni kishte nxjerrë një shëtitje vogëlushin, i veshur mjaft sportiv, me tuta të zeza, kapuç të zi dhe një palë shapka me gisht.
Pavarësisht kohës së zënë me punë, duke qenë se po afron finalja e madhe e “The Voice”, moderatori ka gjetur kohë për vogëlushin e tij duke i ardhur në ndihmë edhe Sarës, e cila ka shijuar një pasdite jashtë.
Burimi: Iconstyle.al
