Silva Gunbardhi dhe reperi shqiptar Dafi Derti, janë ndër çiftet më të dashura të showbizzit shqiptar. Ata mund të konsiderohen ndër çiftet e veçanta që janë partner në jetë dhe në punë, pasi në shumicën e rasteve vendosin të sjellin bashkëpunime muzikore.
Mirëpo si të gjitha çiftet që grricen ndonjëherë me njëri-tjetrin, Dafi dhe Silva nuk bëjnë aspak përjashtim. Të ftuar në emisionin “Rudina” në televizionin “Klan”, Silva rrëfeu se pesë minuta përpara emisionit, ata kishin debatuar.
“Pesë minuta përpara emisionit, më tha se nuk i pëlqente modeli i flokëve. Cfarë fitoi se ma tha? Unë vendosa t’i bëja flokët gërshet sot” – tregoi Silva.
Ndërsa Dafi, për të mbrojtur veten tha se e ka shumë të vështirë të shtiret dhe në momentin që nuk i pëlqen diçka e shpreh menjëherë. Këngëtarja Silva Gunbardhi tregoi se i është përkushtuar rritjes së shëndetshme të vogëlushit të saj, e për këtë arsye ka lënë pas dore kujdesin ndaj vetes.
“E kisha vendosur t’i bëja djalit disa ditë plazh, e në këto momente e kam lënë në Gjirin e Lalzit, pasi deti është shumë i rëndësishëm për të. Edhe përse nuk e kam shumë qef rërën, po e bëj këtë sakrificë. E ngaqë jam tërë kohës jashtë Tiranës, nuk kam pasur mundësi as të kujdesem për veten dhe të lyej flokët. Ndaj vendosi t’i kapja gërshet, shpejt e shpejt” – tregoi Silva Gunbardhi.
Në vitin 2015, ata u bënë prindër për herë të parë të një djali që e pagëzuan me emrin Dalvi. Gjatë emisionit, ato rrëfyen se do të sillnin në jetë një fëmijë tjetër, por e kanë shtyrë si plan si pasojë e koncerteve të shumta jashtë vendit.
Ndyshe nga këngëtaret shqiptare që kanë publikuar këngë me ritme verore, Silva Gunbardhi dhe Daffy kanë zgjedhur të sjellin për publikun shqiptar një këngë me ritme patriotike me titull “Hajde Shqipe”.
